Ստանձնելով կորպորատիվ սոցիալական պատասխանատվություն՝ «Մանանա» ուսումնական կենտրոնը հատուկ արտոնյալ պայմաններ է սահմանում ազատամարտիկների ընտանիքների անդամների, բազմազավակ եւ միայնակ մայրերի, երկկողմանի ծնողազուրկ երեխաների և այլ հատուկ կարիքավոր խմբերի համար: Մեր կենտրոնը հագեցված է համապատասխան պայմաններով՝ ներառական դասընթացներ կազմակերպելու համար:
Մեր անձնակազմը միջազգային եւ տեղական հասարակական բարեգործական կազմակերպությունների հետ համագործակցելու երկար տարիների փորձ ունի, եւ մենք միշտ բաց ենք նոր ծրագրերի կյանքի կոչման համար:
Մեր հաջողված գործընկերային ծրագրերն են.
«Առաքելություն Հայաստան» ԲՀԿ, 2015 թ.
«Տաթև գիտակրթական համալիրի» «Մանանա» ուսումնական կենտրոնը և «Առաքելություն Հայաստան» բարեգործական-հասարակական կազմակերպությունը հաջողությամբ իրականացրեցին Ճապոնիայի սոցիալական զարգացման հիմնադրամի և Համաշխարհային բանկի ֆինանսավորմամբ «Հայաստանի աղքատ և կարիքավոր անձանց կենսամիջոցների բարելավում» եռամսյա ծրագիրը: Նախաձեռնության շրջանակներում անցկացվել էին արհեստավարժ ուսուցման դասընթացներ` հետևյալ մասնագիտություններով` վարսահարդարում, սեղանի ձևավորում, համակարգչային գրագիտություն, դիմահարդարում, խոհարարություն, հրուշակագործություն (խմորեղենի պատրաստում) և մերսում։
Ծրագիրը միտված էր Հայաստանի աղքատ և խոցելի խմբերի՝ ներառյալ հաշմանդամություն ունեցող անձանց, կենսական պահանջների բավարարմանը և նրանց զբաղվածության հիմնախնդրի լուծմանը:
Համատեղ գործունեության արդյունքները բարձր գնահատականի են արժանի. ծրագրին մասնակցել են ավելի քան 128 ուսուցանվողներ, որոնք համապատասխան կուրսերն ավարտելիս ստացան դասընթացներին իրենց մասնակցությունը հաստատող վկայագրեր ու հավաստագրեր:
Վորլդ Վիժն Հայաստան / World Vision Armenia
Հայ օգնության ֆոնդ / Fund for Armenian Relief
ՍՕՍ մանկական գյուղեր / SOS Children’s Villages Armenia
ՀՕՄ Հայ օգնության միություն / Armenian Relief Society
Դիակոնիա
Ֆրանս-հայկական զարգացման հիմնադրամ /
French Armenian Development Foundation
ՀՀ աշխատանքի և սոցիալական հարցերի նախարարության զբաղվածության պետական գործակալություն
