«Մանանա» ուսումնական կենտրոնը ոչ ֆորմալ կրթության և շարունակական ուսումնառության տարածաշրջանային կենտրոն է, որը հիմնադրվել է 2002 թ.-ին Երևանում: Այն ՀՀ-ում թերևս միակն է իր տեսակի մեջ, գործում է կիրառական մասնագիտացման ոլորտում:
Այս տարիների ընթացքում կենտրոնում սովորել և հմտացել են ուսանողներ գրեթե բոլոր մայրցամաքներից. (ԱՄՆ, եվրոպական, ասիական, լատինաամերիկյան, աֆրիկյան երկրներ, ՌԴ, ԱՊՀ և տարածաշրջանային երկրներ): Մեր ուսումնական կենտրոնն առաջարկում է նաև՝
- Մեկօրյա վարպետության դասեր զբոսաշրջիկների համար
- Կարճաժամկետ՝ մեկշաբաթյա և երկշաբաթյա, ուսումնական վերապատրաստման ծրագրեր
- Ամառային ու ձմեռային դպրոցներ՝ vocational tourism զբոսաշրջային ու մասնագիտական որակավորման բաղադրիչներով:
Ի սկզբանե ստեղծվելով որպես «Տաթև գիտակրթական համալիր» ՍՊԸ-ի առանձնացված ստորաբաժանում՝ կենտրոնը հետագայում դարձավ նույն համալիրի ինքնուրույն կառուցվածքային միավորը, որն այս տարիների ընթացքում գործընկերային կապեր է հաստատել հայաստանյան և աշխարհի տարբեր երկրների ուսումնական կենտրոնների, պետական ու ոչ պետական կառույցների, անհատ մասնագետների և գործատուների հետ, որոնց միջոցով
- Կենտրոնը աջակցում է իր լավագույն կադրերին միջազգային մրցույթներում, վարպետության դասերին և վերապատրաստումներին մասնակցության հարցում
- Շրջանավարտների կարիերայի կենտրոնը զբաղվում է կադրերի զբաղվածության հարցերով՝ համագործակցելով բազմաթիվ գործատուների հետ և կազմակերպելով հմտությունների կատարելագործման սեմինար-քննարկումներ
- Կենտրոնն ուսանողներին անվճար և վճարովի պրակտիկայի հնարավորություն է ընձեռում նաև հիմնական կուրսն ավարտելուց հետո, ըստ անհրաժեշտության տրամադրում մասնագիտական խորհրդատվություն և երաշխավորություն:
- Կենտրոնը զեղչային առավելություններ է տալիս խոցելի կարիքավոր խմբերին, համագործակցում ՀՀ տարբեր ՀԿ-ների և կառույցների հետ
Այստեղ չկան տարիքային, գենդերային, ազգային ու կրոնական, անգամ ֆիզիկական ու մտավոր սահմանափակումներ, մեր սկզբունքը մեկն է՝ որակյալ պրոֆեսիոնալ ուսուցանում և անհատական մոտեցում յուրաքանչյուրին՝ համապատասխան իր կարիքների և հնարավորությունների:
Կենտրոնն ունի՝
- Ուսումնական ծրագրերի բազային կուրս սկսնակների համար
- Որակավորման բարձրացման անհատական ծրագրեր ոլորտի մասնագետների համար
- Հատուկ ադապտացված ծրագրեր հաշմանդամություն ունեցող անձանց համար
- Կորպորատիվ սոցիալական պատասխանատվության ծրագրեր
- Սիրողական կուրսեր
Մեզ մոտ դասընթացները վարում են արտերկրում և ՀՀ-ում լավագույն ուսումնական հաստատություններում վերապատրաստված լիցենզավորված բարձրակարգ մասնագետներ, ովքեր շարունակաբար վերապատրաստվում են՝ տարիների փորձին գումարելով արդի տենդենցները:
Ինչպես նաև հաճախ ենք կազմակերպում պրոֆեսիոնալ վարպետության դասեր՝ արտերկրից հրավիրելով աշխարհահռչակ հմուտ մասնագետների ու միջազգային թրեյներների:
Կենտրոնը մշտապես մշակում և զարգացնում է ամենաարդիական թեմաներով արհեստների ու արվեստների նորարարական ծրագրեր, որոնք ոչ ֆորմալ կրթության և ցկեանս ուսումնառության բնագավառում դառնում են լավագույն հեռանկարային օրինակներ ոչ միայն Հայաստանի, այլև դրա սահմաններից դուրս:
Կենտրոնը ներկայանում է հիմնական 4 ուղղությամբ՝
Մանանա գուրմե
- Խոհարարություն
- Քեյթրինգ, քարվինգ, սեղանի ձևավորում և ֆուրշեթ
- Հրուշակագործություն
- Տորթերի պատրաստում և գեղարվեստական ձևավորում
Մանանա բուոտե
- Էսթետ-կոսմետոլոգիա
- Վարսահարդարում և ոճաբանություն
- Դեկորատիվ դիմահարդարում
- Հիմնական դիմահարդարում և տատուաժ
- Մատնահարդարում
- Մազահեռացում
- Թարթիչների սերտաճեցում
Մանանա վելնես
- Դասական և բուժական մերսում
- Հակացելյուլիտային, սպա մերսում և արոմաթերապիա
- Բուժական գործ
- Երեխաների և տարեցների խնամքի հմտություններ
Մանանա քրաֆթս
- Ոսկերչություն և արծաթագործություն
- Հագուստի մոդելավորում և կարուձև
- Տնային տեքստիլ պարագաների մոդելավորում և կարուձև
- Ֆլորիստիկա և դիզայն
Մասնագիտությունների ցանկը շարունակելի է՝ արդի նորամուծություններին համապատասխան:
Յուրաքանչյուր կուրսի մանրամասներին, տևողությանը և վճարմանը կարող եք ծանոթանալ կապ հաստատելով կենտրոնի հետ ստորև նշված կոնտակտային տվյալներով:
ԿԵՆՏՐՈՆԻ ԼՐԱՑՈՒՑԻՉ ԱՌԱՎԵԼՈՒԹՅՈՒՆՆԵՐԸ
Կենտրոնն ունի աշխատանքի գրագետ կազմակերպման, կրթության որակի բարելավման և մարդկային արժեքների պահպանման հստակ սահմանված սկզբունքներ, որոնք էլ բարձր են պահել մեր կենտրոնի հեղինակությունն ու համբավը տարիների ընթացքում:
«Մանանա» ուսումնական կենտրոնում յուրաքանչյուր մասնագիտություն ունի իր առանձին աշխատասենյակը՝ հագեցած ուսման համար անհրաժեշտ սարքավորումներով, պրոֆեսիոնալ պարագաներով ու նյութերով:
Դասընթացները ներառում են համակցված տեսական ու գործնական դասաժամեր, որոնց արդյունքում ուսանողները ձեռք են բերում առավել խորքային գիտելիքներ ու հմտություններ:
Դասընթացները բարեհաջող ավարտած ուսանողներին շնորհվում է եռալեզու վկայական և միջազգային նմուշի հավաստագիր: